A lokasyon journee mondiale la lutte contre le sida le 1 dec OSBCOLTD/IMPACT PRODUCTION/ GIAL EVENEMENT INTERNATIONAL prezant THE WAILERS le group legenderr de Bob Marley ki pe vinn zoue en live n direk lor Stade Sir Gaetan Duval Rose-Hill Ile Maurice, En premiere parti OTENTIKK STREET BROTHERS.

Kouma zot kone ki li pa fasil pouki organiz enn evennment dan sa zar la ici dan moris, Me avek la fors bondieu tou pwisan nou pe resi realiz tou c ki nou pe envi fer. Samem toultan mo dir bondieu gran e vivan pou so bann zanfan ki gard la foi enver li.

Depi janvier ziska desam 2007 nou pe fet laniverserr osbcrew, parski osbcrew c enn group ki finn fer bokou la rout e finn ena de ho e de ba me noun insiste pou ki nou kontinye existe e nou pe persevere pou ki nou kontinye all pli loin enkor. Bondieu beni tou bann fans ki finn soutenir osb pandan tou sa bann lannee la, nou theme ki nou finn swazir pou nou fet sa bann levennment la c 15ans OSBcrew La Mizik Nou Mesaz, nou finn toultan krwar ladan e nou enkor pe partaz nou bann mem ideolozi depi 92 ziska 2007, sa ve dir pour langaz kreol, kontre la povrete, Protez la natir, tiek osi bann problem social, milit pou la zistis ek leberte expression, Drwa egal a tou bann dimoun e les respe de l'humanite.
ILE MAURICE REVEY TWA E PRANKONT PROTEZ TWA AVAN TRO TAR.........

Billets pe vende a Rs 300 e le zour du concert li pou a Rs 400
Mwa mo dir zot degaze pran zot billet depi bonerr parski ena zis 15mill c tou kan fini sa ve dir guichet ferme. Aste zot billets dan bann plas habituel svp fer atansyon pirat, e tiek bien sirtou tou bann dispozisyon general kiena par deryerr billet la, Mo dimann tou bann dimoun de korpere e nou bizin dicipline e respecte tou bann reglement kinn mentioner. one love.........

Le 1 dec The Wailers & OSBcrew c le pli gran evennment 2007 ki pou deroule a moris, nou pou gagn enn gro sonorization ki pou installe ek enn bann lamiere tre professionel ek enn big podium jamais vue a ile maurice par IMPACT PRODUCTION.
Mwa mo dir tou dimoun vinn avek enn lamass, vinn avek zot drapo, vinn en foul pou ki nou defoul ensam lor enn sel tempo. Viv moris.......a nou montre lotorite ki nou soliderr ek la mizik ki fer nou vibre toulezour.

La porte pou ouver a 15hrs nou pou ena enn bann prevention kont le sida, nou pou ena enn karavann ki pou enplas tou dimoun ki envi fer enn test rapid li pou kapav fer li, nou pou ena bann peintre morisien ki pou expoze zot tablo touzour concernan la lutte contre le sida. Nou pouena Bann Animasyon Dj's lor platinn Dj KingDom & Dj Did Steph Apre a 18hrs 30 nou pouena le concert de osbcrew ki pe reserv enn spectacle siloy ki renpli avek bann bonnto vibes tou bann fans bizin vinn tieke pou ena osi sirpriz......... Pou nou fet sa 15ans la nou pou fer osi enn dvd, alor nou dir bann dimoun vinn depi bonerr pouki nou met enn big up faya ensam.

Sa semaine la zot pou trouv bann gro billboard ek osi bann lafis ek bann flyers coller partou dan zil, nou pe fer sa zar de publicite la parski nou pe envi ki dimoun profite pou vinn get the wailers & osbcrew e mo envi montre zot osi ki bann zanfan ghetto kapav fer e ki kantite lamour nou pe met ladan pouki sa vinn enn sikse dan tou zar, Alor vinn en foul vinn soutenir le proze pouki nou gagn kouraz amenn bann lezot artist international enkor ki zot inn toultan reve pou trouv divan zot. Ile moris bonnto vibes pou twa.....
Nou remerci bann sponsor ki pe krwar dan nou kapacite e tou bann dimoun ki pe donn koudme yes i one love bondieu beni zot merci.........

Svp Fer pass mesaz la partou, forward sa mail avek tou zot bann kontak ,partaz linfo a tou dimoun ki nou kone, nou bizin mobilize e nou vinn avek enn lamass pou nou montre ki nou kontan la mizik e nou kontan la kiltir e sirtou nou soutenir le movement Reggae, Seggae ek dancehall... Yes i mo zouenn ar zot lor stade Rose-hill.......c de la part de koulb ou bruno raya osbcrew sa one love n jah blesssssssss

1 dec bonnto vibes a tou bann fans osbcrew

• kersley Says:
  June 21st, 2008 at 2:58 am

  mari bonto net kontinie mange ar li.zot p met nou ti ile lo karte le monde artistiquement JAY BLESSED PEACE.

• rachelle Says:
  June 21st, 2008 at 12:01 pm

  slt..zot bann la mizik bonnto net..met ene bon vibe demain..mari seryé..moi ek mo ser nu ene mari fan dagger..bn continuasion..biz